Ginkumpirmar sang mga opisyal sang Ukraine nga isa ka daku nga pag-atake sang missile kag drone ang nag-igo sa Kyiv kag iban pa nga bahin sang pungsod sang gab-i sang Agosto 28, nga nagpatay sang 18 ka tawo, lakip ang apat ka kabataan, kag 48 ka mga pilason.
Suno sa Kyiv City Military Administration, naglunsar ang Russia sang 31 ka missiles kag 598 ka drones. Kalabanan sini gin-intercept sang Ukraine — 563 ka drone kag 26 ka missiles.
Suno kay Mayor Vitali Klitschko,daku nga kahalitan sa mga building, eskwelahan, kag imprastraktura sa lima ka distrito sang Kyiv.
Gintawag ni Ukrainian President Volodymyr Zelenskyy ang pag-atake nga sabat sang Russia sa panawagan sang kalibutan para sa ceasefire kag diplomasya.
Suno sa iya, ginapili sang Russia ang kasingki sangsa negosasyon, kag ginpadaku ang kinahanglanon para sa mas hugot nga international sanction batuk sa Moscow.
Ang European Union mission building sa Kyiv nahalitan man, suno sa Foreign Minister sang Ukraine.
Samtang,wala naman sang may ginreport nga napilasan sa building, apang ginpakamalaut sang mga lideres sang EU ang ginaalegar nga pag-atake sang Russia nga hungod.
Ginpabutyag sang mga lider sang Europa nga indi matandog ang suporta sang EU sa Ukraine.
