Indi magnubo sa 18 ka tawo ang pilason matapos nagsigabong ang duha ka explosive devices sa Damascus, Syria samtang nagabisita sa pungsod si French President Emmanuel Macron.
Suno kay Interior Ministry sang Syria, apat ka mga police officers ang nalakip sa mga napilasan sa paglupok.
Natabo ang pagsigabong malapit sa Ministry of Tourism kag sa hotel kun sa diin nagatinir si President Macron kadungan sang iya pagbisita para sa pagpakighinun-anon sa iya Syrian counterpart nga si Ahmed al-Sharaa.
Samtang suno naman sa opisina ni Macron, wala makabati ang presidente sang lupok samtang padulong ini kay al-Sharaa kag nangin normal sa gihapon ang iya pagbisita kag ila pag-istoryahanay.
Natukiban sang Interior Ministry nga ang duha ka explosive devices ang lunsay improvised.
Ang isa nabutang sa sulod sang salakyan nga naka-park sa kilid sang dalan, samtang ang isa naman ang nabutang sa trash container.
