Nasapwan nga wala na sang kabuhi ang 19 anyos nga babaye nga tatlo na ka adlaw nga missing sa basurahan sa ahin sang fiarangay Poblacion, sa banwa sang Alcoy, Cebu.
Ang biktima amo si Jeani Pryll Belardo nga tatlo na ka adlaw nga missing.
Suno kay Police Major Jose Nilo Abello, hepe sang Alcoy Municipal Police Station, nag-report sa mga otoridad ang foreign partner sang biktima sang Mayo 26 nga nadula si Belardo matapos nga wala ini makapauli.
Suno sa pahayag sang foreigner, katapusan niya nga nakit-an si Belardo sa ila balay sang Sabado.
Gamit ang GPS, na-track sang kapulisan ang tablet nga gingamit ni Belardo sa kaiping nga banwa sang Dalaguete.
Nahibaluan nga ginaalegar nga ginbaligya ini sang biktima kay Anthony Baldogo, trycicle driver nga taga-Alcoy man.
Gindakop sang kapulisan si Baldogo matapos makita ang bangkay ni Belardo.
Nagaguha sa imbestigasyon nga nagsakay ang biktima sa iya sang hapon sang Mayo 23.
Matapos nga gin-aresto, gin-ako ni Baldogo nga siya ang nagpatay sa biktima bangud wala ini gilayon nakabayad sang P150 nga pamasahe.
Ginpahayag nga gindala ni Baldogo ang bangkay sang babaye sa isa ka basurahan nga lugar kag ginpakita pa sa mga otoridad kun sa diin niya gintago ang kutsilyo nga iya gingamit sa pagpangbuno.
