-- ADVERTISEMENT --
Nasapwan nga patay ang 19 anyos nga lalaki nga nagatrabaho bilang debt collector sa humayan sa Alicia, Zamboanga Sibugay sang Miyerkules, Mayo 27, 2026.
Base sa resulta sang post-mortem examination, may igo sang bala sa ulo kag likod ang biktima.
Padayon pa ang imbestigasyon sang kapulisan agud mahibaluan ang motibo sa krimen kag kun sin-o ang naghimo sini.
Sa subong, wala pa sang pahayag ang pamilya sang biktima.
