ROXAS CITY – Arestado ang isa ka 19 anyos nga construction worker sa ginkasa nga drug buybust operation sang Provincial Drug Enforcement Team sa Barangay Banica, Roxas City.
Ginkilala ang nadakpan nga si Leo Arabia, residente sang Sitio Ilaya, Barangay Tanque, Roxas City.
Narekober sa suspek ang 6 ka sachets sang shabu, isa ka cellphone, bisikleta, mga drug paraphernalia kag P1, 500 nga buybust money.
Suno kay Police Lt. Mark Anthony Garcia, team leader sang PDEU, madugay na nila nga ginpaidalom sa surveillance ang nasambit nga suspek matapos nga nakabaton sang impormasyon nga nagaduso ini sang ilegal nga droga.
Masobra P10, 000 naman ang kantidad sang suspected shabu nga nakuha sa drug suspek nga nagabug-at sang kapin isa ka gramo.
Natalana nga ipaidalom ang drug suspek sa drug test kag ipaidalom naman sa forensic examination ang narekober nga mga droga kag drug paraphernalia.
