19-anyos nga driver pilason matapos nga nakabunggo sang layaw nga ido ang ginamaneho nga motorsiklo

ROXAS CITY-Pilason ang 19-anyos nga driver sang motorsiklo matapos nga ginaalegar aksidente nga nakabunggo sang layaw nga ido sa Barangay Lanot, Roxas City.

Ginkilala ang biktima nga si Aaron Kim Dexter Olipendo, sang Barangay Lonoy sining siyudad.

Sandig sa pagpangusisa sang Bombo Radyo, sakay sa motorsiklo ang biktima padulong kuntani sa city proper sang aksidente ini nga nakabunggo sang layaw nga ido nga hinali nga nagtabok sa dalan.

Bangud sini nag-angkon sang menor nga pilas sa kalawasan ang biktima nga gilayon naman gindapatan sang nagakaigo nga pagbulong.