19-anyos nga lalaki, gin serbihan sang warrant of arrest sa kaso nga pag pangawat sa Siyudad sang Roxas

ROXAS CITY – Dakup ang 19 anyos nga lalaki matapos ginserbihan sang warrant of arrest sang mga kapulisan sa Barangay Cagay, Roxas City.

Ginkilala ang akusado kay Vincent Ambong, residente man sang nasambit nga lugar.

Magapangatubang sa kaso nga paglapas sang Article 308 under Revised Penal Code ukon Theft si Ambong.

Ginpirmahan kag ginpapanaug ang nasambit nga warrant of arrest ni Hon. Jennie Ann Tayag Logronio, Presiding judge of MTCC, 6th Judicial Region Branch 1, Roxas City.

May kantidad nga P8,000 nga pyansa ang ginrekomenda para sa temporaryo nga kahilwayan sang nasambit nga akusado.

Sa karon, nakahunong na ini sa karsel sang Roxas City PNP para sa nagakaigo nga disposisyon.