19-anyos, pilason sa aksidente sang motorsiklo kag salakyan sa Pontevedra, Capiz

Pilason ang isa ka 19-anyos nga lalaki matapos nagbunggoanay ang iya ginamaneho nga motorsiklo kag isa ka salakyan sa Barangay Bailan, Pontevedra sang Hulyo 24, 2025.

Suno sa inisyal nga imbestigasyon sang Pontevedra Municipal Police Station, ang biktima amo si  alyas “CJ,” residente sang Panitan, Capiz. Suno diri aksidente nga nabunggo ang motorsiklo ni CJ sa kasugata nga salakyan nga ginamaneho ni alyas “Rick,” 49-anyos kag residente sang Barangay Poblacion, President Roxas.

Bangud sa mabaskug nga impact sang insidente, si CJ ang napilasan kag gilayon nga gindala sa Bailan District Hospital para sa pagbulong. Samtang wala naman sang naangkon nga kapilasan si alyas Rick.

Sa karon, yara na ini sa kustodiya ang mga behikulo nga naulamid sa insidente kag padayon pa ang imbestigasyon sang mga otoridad agud matukiban kun sin-o ang may sala sa nasambit nga insidente.