19 ka mga indibidwal, patay sang nag-crash sa kolehiyo ang training jet sang Bangladesh Air Force

Naglab-ot na sa 19 ang patay matapos nga nagbunggo ang fighter jet sang Bangladesh Air Force sa isa ka kolehiyo sa Dhaka.

Natabo ang insidente sa Milestone School and College campus nga nahamtang sa Diabari, northern Dhaka, kag nagbilin man sang 100 ka mga pilason.

Suno sa mga otoridad, kalabanan sa mga napilasan nga biktima ang mga estudyante.

Base sa imbestigasyon sang mga otoridad, nag-crash ang BAF F7 jet kag nagbunggo sa nasambit nga buluthuan, sa diin nalakip ang piloto sa mga napatay.

Padayon naman ang imbestigasyon sang mga otoridad sa nasambit nga insidente.