ROXAS CITY – Dakop sa akto ang 19 tanan ka mga tripulante nga nagapatigayon sang illegal nga pagpangisda ukon “Palupad” sa kalalawran nga sakop sang Panay takna alas 5:40 sang hapon kahapon Hulyo 31, sa kalalawran nga sakop sang Panay.
Ginkilala ang mga nagkaladakpan nga sanday Mabini Aguilar Boat Captain 35-anyos kag mga crews nga sanday Peter Diaz 35-anyos, Benedicto Aguilar 39-anyos, Ronald Baeng 33-anyos, Martin Gumugba 33-anyos, John Salcedo 26-anyos Joel Brioel 38-anyos Vincent Aguilar 30-anyos, Joel Memoriado 26-anyos Moises Betoria 31-ayos, Julumar Bayogang 30-anyos John Stephen Gregorio 25-anyos, Ernie Espenyeda 43-anyos, Jerry Alcantara 21-anyos, Jiomar Azuillo 25-anyos, Alfred Azucena 26-anyos, Jeorge Alarcon 23-anyos, Jonel Marabe 30-anyos kag Jerwin Bigcas 21-anyos lunsay mga residente sang Barangay Proper, Estancia, Iloilo.
Nakuha sa paghinakop sang mga nagkaldakpan ang 1 ka unit sang pump boat, 1 unit VI O Diesel engine, lambat, mas o menus 200 kilos sang nanari-sari nga isda nga may ginabulubanta market value P400,000.
Paglapas sa Municipal waters of Panay without Mayor’s Permit ukon Municipal Ordinance No. 03-02 Series of 2003 ang paga-atubangon sang mga nagkaladakpan.
Sa karun yara na sa kustodiya sang MENRO-Panay ang mga nagkaladakpan kag ang mga nakumpiskar para sa nagakaigo nga disposisyon.
