Naglab-ot sa 19 ang ginbawian sang kabuhi sa tropa sang MILF group matapos nga mag-abtanay kag mag-angkon sang
engkwentro sa Barangay Kilangan sa Pagalungan, Maguindanao del Sur.
Ginapahayag nga nag-abot sa lugar si Engr. Datu Alonto Sultan, kung sa diin luyag sini okupahan ang duta nga siya ang ginhalinan sang kinagamo sa tunga nila kag sang grupo Kumander Ikot Dandua.
Suno kay LTC Roden Orbon, ang tagpamaba sang 6th Infantry ‘Kampilan’ Division ginpahayag sini nga madugay na nga hiligut-anon ang ginalantaw nga rason kabangdanan nga nagresulta sa pagbayluhanay sang lupok.
Bangud sa natabo, asud-asud nga pagsinapol ang ginpatigayon nanday Pagalungan Mayor Salik Mamasabulod, 602nd Brigade kag 90th Infantry Batallion sang Philippine Army.
Gindala naman ni Mayor Mamasabulod ang mga militar sa lugar agud mauntat ang kinagamo.
Matandaan una na nga ginsiling ni Sultan nga may yara ini sang
papel nga gina-uyatan pamatuod nga siya ang nagapanag-iya sang 280 ektarya nga duta sa Sitio Gageranin.
