-- ADVERTISEMENT --
Indi magnubo sa 190 ka mga estudyante ang napilasan sa serye sang mga protesta sa France, lakip ang isa ka 15-anyos nga na-utod ang iya kamot sa tunga sang komprontasyon.
Natabo ang insidente sa syudad sang Lens, kon sa diin ang iban nga mga estudyante kritikal ang mga pilas sa sunod-sunod nga protesta batuk sa kakulang sang pondo kag problema sa sektor sang edukasyon.
Samtang, nag-angkon man sang double jaw fracture ang 14 anyos nga estudyante matapos ginaalegar naigo sang tear gas grenade sang nagligad nga semana.
Suno sa mga otoridad, masobra 5,000 ka tawo ang nadakpan halin sang nagsugod ang mga protesta, samtang padayon nga nagapanawagan ang mga estudyante para sa mas maayo nga kondisyon sa mga eskwelahan
