Ginpakigbahin sang 1st Batch sang 14th Batang Capiznon Awards – Search for the Ten Outstanding Students of Capiz (TOSOC) 2026, ang ila nga nangin journey sa amo nga paindis-indis.
Lakip sa first batch amo sanday Richianne Nicole Ado sang Feliciano Yusay Consing National High School; John Rey Ajeno sang David Moises National High School; Faith Angel Louise Alvarez sang Dumalag Central School; Raineiel Jesh Atinon sang Capiz National High School kag Ronneth Grace Barrios sang Estefania Montemayor National High School.
Sa interview sang Bombo Radyo kay Raineiel Jesh Atinon, iya ginpahayag nga madamo sang nangin challenges ang iya naagyan agud mangin kabahin sang Top 20 sa nasambit nga search.
Suno sa iya, ang pagiging humble kag dedicated sa mga butang nga ginahimo kag sa isig-katawo ang kinaiya nga iya ginadala agud makuha ang kadalag-an.
Nahibaluan ang Search for the Ten Outstanding Students of Capiz (TOSOC) isa ka annual search and awards program nga ginpatigayon sang Borres Youth Leadership Institute, Inc (BYLI) nga nagakilala sa abilidad sang mga pamatan-on pinaagi sa pagkilala sa ila academic achievements, leadership kag social responsibility.
