-- ADVERTISEMENT --
ROXAS CITY – Ginakabig ni Police Col. Julio Gustilo, provincial director sang CPPO nga ‘’Generally Peaceful” ang una nga adlaw sa pagpatuman sang ‘’Curfew’’ sa probinsiya sang Capiz.
Suno sa opisyal nga daku ang nabulig sang Bombo Radyo agud ma-inform ang publiko sa patigayunon nga curfew kalakip ang kooperasyon sang mga pumuluyo nga wala naman nagguwa sa ila mga balay pag-abot alas 8 sa gab-i.
Nagalaum si Gustilo nga mangin masinulundon ang mga pumuluyo sa ginapatuman nga curfew bangud indi ini para sa mga pulis, kundi para sa tanan agud malikawan ang paglapta sang COVID-19.
Ginpahayag ni Police Col. Gustilo nga ang sin-o nga magalapas sini ang may pagaatubangon nga sanction.
