Ginhangkat ni Davao City 1st District Representative Paolo “Pulong” Duterte ang mga otoridad nga ipakita sa publiko ang valid arrest warrant, kaupod ang mga dokumento kag legal nga basehan sa pag-aresto kay Senator Ronald “Bato” Dela Rosa.
Ini ang sabat ni Duterte sa pahayag ni Palace Press Officer Atty. Claire Castro nga may yara sang balido nga arrest warrant nga nagaserbe nga basehan sa pagpangita kay Dela Rosa.
Ang amo nga kaso ang gina-usisa sang International Criminal Court (ICC) may kaangtanan sa alegasyon sang extrajudicial killings sa panahon sang kampanya kontra droga, lakip ang tion nga si Dela Rosa ang nagserbisyo bilang hepe sang Philippine National Police (PNP).
Sa pihak sini, ginapahayag sang gobyerno sang Pilipinas nga wala na ini sakop sang hurisdiksyon sang ICC bangud nag-atras na ang pungsod sa Rome Statute sang 2019 kag indi ini magkooperar sa imbestigasyon sang korte.
Samtang, ginpamatud-an sang PNP nga nagapadayon ang ila pagpangita kay Dela Rosa base sa nga legal nga proseso.
