Ginbuksan ang una nga public truth-telling session sang civilian-led PH Truth Commission, pinaagi sa istorya sang 19-anyos nga si Raymart Siapo angut sa gina-alegar extrajudicial killings (EJKs) sa drug war.
Sa pagpanguna ni anay ICC Judge Raul Pangalangan kag paggiya ni Cardinal Pablo Virgilio David, naglawig sang masobra apat ka oras ang hearing sa Pope Pius XII Catholic Center sa Manila.
Nangin emosyonal naman si Luzviminda Siapo, ang iloy ni Raymart, samtang nagahatag panaysayon sang kamatayon sang iya anak sang 2017, nga natabo samtang nagatrabaho siya bilang isa ka domestic helper sa Middle East.
Suno kay Luzviminda, isa ka estudyante sang ALS si Raymart nga gin-akusahan nga nagabaligya sang marijuana antes ini gin-kidnap sang mga armado nga lalaki.
Ginpakita man ni forensic pathologist Dr. Raquel Fortun ang exhumation kag X-ray results, nga ginpahayag nagapakita sang posibilidad nga may igo sang bala sa ulo ni Raymart.
Ginhatagan pagtamod ni Pangalangan ang importansya sang pagdokumento sining mga testimonya kag mga ebidensya nga mahimo ipadala sa nagakaigo nga mga ahensya kag international human rights organizations bangod ang komisyon kulang sa judicial powers.
