Nag-resign bilang myembro sang Kamara si 1Tahanan Party-list Representative Atty. Nathaniel Oducado.
Magluwas sa iya, nag-resign man si Pinoy Workers Party-list Representative Franz Legazpi nga lunsay mga myembro sang majority.
Suno kay Atty. Oducado, wala siya sang paghinulsol nga nangin mamalidha kag puno sang pagpasalamat ang iya tagipusuon sa kada Pilipino nga nagsalig, nagpamati kag nagpakigbato sa iya.
Nagapati siya nga ang serbisyo wala nagatapos sa isa ka posisyon kag nagpasalig nga magapadayon ini sa pagbulig kag pagtindog para sa Pilipinas.
Apang wala sang may ginhatag nga rason si Atty. Oducado sa iya pagbiya sa posisyon.
Sa interview sang Bombo Radyo kay Raoul Manuel, Karapatan national council member, iya ginpahayag nga dapat mangin transparent sanday Oducado kag Legazpi sa ila paghalin bilang myembro sa Kamara.
Suno kay Manuel, may yara sang mandato sa publiko ang pag-angkon sang posisyon sa diin importante ang elective seats kuntani sa Kamara.
Makatilingalahan pahayag niya nga gulpiyada ang pag-resign sang duha ka mga indibidwal sa tunga sang mainit ang issue sa impeachment ni Vice President Sara Duterte.
