Ginalantaw ni 1Tahanan Partylist Representative Nathaniel “Nat” Oducado nga posible nga malab-ot ang 106 ka boto sa House of Representatives agud mapadayon ang impeachment complaint batok kay Vice President Sara Duterte.
Sa interview sang Bombo Radyo kay Representative Oducado, iya ginpahayag nga ang desisyon magadepende sa mayorya nga boto sang mga kongresista kag party-list representatives nga magahukom kon may nagaka-igo nga basihan ang reklamo batok sa Bise Presidente.
Suno pa Mamalidha may yara sang mabug-at nga ebidensya nga ginakabig kabahin sang reklamo, lakip na ang ginatawag nga pamahog ukon threat batok sa Presidente kag ang isyu nga may kaangtanan sa SALN ukon Statement of Assets, Liabilities and Net Worth ni VP Sara.
Dugang pa sini, nga ang impeachment indi lang para sa isa ka tawo kundi agud mahibaluan man kon may salabton sa krimen ang isa ka mataas nga opisyal sang gobyerno kag kon kinahanglan padayunon ang impeachment proceedings.
