Mapagkit ang inflation sa 2.2 tubtob 3 percent range, suno sa pagbulubanta sang Bangko Sentral ng Pilipinas (BSP).
Suno sa BSP, ang mas mataas nga sukot sa kuryente kag presyo sang langis subong man ang mas mataas nga presyo sang isda kag karne kung magduso sa inflation nga pagtaas.
Pahayag pa sang ahensya nga ang mas manubo nga presyo sang bugas, prutas, kag utanon nga mahimo makabulig agud mapabilin nga manubo ang inflation.
Pahayag sang central bank nga ang base effects, ang mahimo maka-amot sa pagnubo sang inflation.
Mahibaluan nga ang inflation sadtong Enero, napagkit sa 2.9 percent sa likod sang pagdasig sang pagsaka sang presyo sang food and non-alcoholic beverages, alcoholic drinks and tobacco, samtang nagsaka man ang balor sang transportasyon.
Sa isa ka press conference sadtong Pebrero, ginsiling ni National Statistician Claire Dennis Mapa nga ang pagtaas sa presyo sang baboy bangud sa African swine fever sa pila ka bahin sang Pilipinas.
