2 armas-luthang kag mga bala, narekober sa search warrant sang mga kapulisan sa Dumarao

DUMARAO, CAPIZ – Magapangatubang sang kaso nga paglapas sa Republic Act 10591 ukon Comprehensive Law on Firearms and Ammunition ang isa ka lalaki matapos nakuhaan sang mga armas-luthang kag bala sa gin-implementar nga search warrant sang mga katapo sang Dumarao Municipal Police Station sa Barangay Calapawan, Dumarao, Capiz.

Mahibaluan nga subject sang nasambit nga operasyon sang mga kapulisan amo si Edralin Hospital, residente sang nasambit man nga lugar.

Narekober sang mga kapulisan ang isa ka .38 calibre revolver, isa ka pistolized homemade single shot 20 gauge shotgun, duha ka mga bala sang 12 gauge shotgun kag isa ka bala sang .38 calibre revolver.

Sa karon nakahunong na sa karsel sang Dumarao PNP ang nasambit nga arestado.