Pormal na nga gin-turn over ng Miru System Incorporated ang duha ka bag-o nga printing machine sa Commission on Elections (COMELEC) kag National Printing Office (NPO) nga pagagamiton sa palaabuton nga 2025 national and local midterm elections.
Suno kay COMELEC Chairman George Erwin Garcia, ang duha ka printing machine nga gin-turn over sa COMELEC kag NPO ang nagabalor sang P300 million kada isa ka printing machine, P600 million ang duha ka machine nga pinakauna sa gobyerno sa Asya nga pagagamiton sa palaabuton nga eleksyon.
Paathag ni Chairman Garcia, maluwas sa duha ka printing machine nga sarang maka-imprinta sang 500,000 balota sa isa ka adlaw, ang isa ka printing machine nga gin-turn over sa NPO ang maga-print man sang 1.2 million test ballots.
Pagasiguruhon ni Garcia nga tanan nga naimprinta nga balota ang “properly accounted” kag nausisa sang husto para sa gamiton sang 68 million voters sa bilog nga pungsod.
