ROXAS CITY – Gintupok sang kalayo ang duha ka mga balay sa Sitio Balud, Barangay Lacaron, Dao, Capiz.
Ang nasambit nga mga balay ang ginapanag-iyahan ni Teodomero Flores, 69 anyos, sang nasambit man nga lugar.
Mahibaluan nga ang isa ka balay ang human sa light materials samtang ang isa naman ang half-concrete.
Suno kay Senior Fire Officer 3 Rodelyn Bermejo, ang Municipal Fire Marshall sang amo nga banwa, posible nga nagsugod ang kalayo sa kable sang kuryente nga madasig nga naglapta kag nagtupok sa duha ka mga balay.
Ginapahayag nga naga-isahanon lamang ang 16 anyos nga si Jessie Mae Flores sa amo nga balay sang nag-ibwal ang kalayo.
Padayon sa karon ang imbestigasyon sang Dao Municipal Fire Station natuhoy sa insidente agud matul-id ang kabug-usan nga kahalitan nga natuga sang nasambit nga sunog.
