ROXAS CITY – Nakahakot sang duha ka medalya, ang duha ka mga proud Capizeña sa 24th Annual World Championship of Performing Arts (WCOPA) nga ginpatigayon sa Anaheim, California.
Nakakuha sang bulawan nga medalya sa Senior Vocal Open Self Accompaniment Category kag pilak nga medalya naman sa Senior Vocal Gospel Category si Maybelle Villan gikan sa Dao, Capiz.
Samtang, nakuha naman ni Coleen Mae Dumol gikan sa Roxas City, Capiz ang bronze medal sa Senior Vocal Pop Category sang nasambit nga kumpetisyon.
Nahibaluan nga kalakip sa mga representante sang Pilipinas sanday Villan kag Dumol nga naghatag sang pasidungog sa ila hometown, probinsya kag pungsod.
Ang nasambit nga International meet amo ang official “Talent Olympics” para sa mga aspiring performers and entertainers kun sa diin ginapatigayon ini tuig-tuig sa entertainment capital sang kalibutan.
