-- ADVERTISEMENT --
ROXAS CITY – Patay ang isa ka Capizeño samtang pilason naman ang isa nga kaupod sini matapos mabungguan sang salakyan sa Taguig, Metro Manila.
Ginkilala ang napatay nga biktima nga si Romark Berber Ibañez sang Barangay Acbo, Sigma, Capiz.
Nag-angkon naman sang mga pilas sa lawas ang kaupod sini nga si Reynaldo Geronimo sang Barangay Matangcong, Sigma, Capiz kag padayon sa karon nga nagapaayo sa ospital.
Ginapahayag nga nagalakat ang duha pauli gikan sa ila ginatrabahuan sang nabungguan ang mga ini sang salakyan.
Gilayon nga gindala ang mga biktima sa pinakamalapit nga ospital apang wala na nasalbar pa si Ibañez matapos ini ang gindeklarar nga dead on arrival.
-- ADVERTISEMENT --
