Nakit-an sa kilid sang dalan ang duha ka mga man-og nga ginapatihan nga Philippine Cobra nga daw kaangay nga nagakup-anay sa Gamu, Isabela.
Suno sa netizen, nakibot lamang sila sang makita ang duha ka mga man-og nga masobra duha ka metro ang kalabaon sa Old Pintor Bridge.
Wala na nagtawag pa sang mga otoridad ang netizen bangud gilayon naman nga nagsulod sa kahilamonan nga bahin sang lugar ang mga man-og.
Apang ginapaandaman ang mga residente nga malapit sa lugar nga maghalong kag ipahibalo gid sa otoridad kun may nakit-an nga man-og.
Ginakabig nga “near threatened” ang populasyon sang Philippine cobra kag ginaproteheran ini sa idalom sang Wildfire Resources Conservation and Protection Act ukon Republic Act No. 9147.
Ginadumilian man nga ibaligya, patyon ukon kaunon ang nasambit nga man-og kag may penalidad nga pagkapreso sang tubtob sa duha ka tuig ang mga magalapas sa layi, magluwas sa multa nga nagalab-ot sa P20,000 tubtob sa P200,000.
