ROXAS CITY – Arestado ang duha ka gun runner sa entrapment operation sa Barangay Poblacion, Tapaz, Capiz.
Nakahunong na karon sa lock up cell sang Tapaz Municipal Police Station sanday Edwin Tupaz Jr., 45-anyos isa ka mangunguma sang Barangay Bagacay, Passi City nga nagpakilala nga katapu sang Criminal Investigation and Detection Group (CIDG) kag Wilfredo de Pablo 19-anyos sang Alimuno, Passi City.
Nakigtransaksyon ang duha ka mga pulis nga nagpakuno kuno buyer sang armas kay Tupaz sa balor nga P30,000.
Matapos nga nakumpleto ang transaksyon kag nadaho na sa suspek ang kantidad, diri na kag nagpakilala ang ila ka-transaksyon nga mga pulis.
Nakuha sa posesyon sang mga suspek ang duha ka unit sang caliber .45 pistol, apat ka mga magazine sang kalibre 45 nga armas, marked money nga P2,000 kalakip ang P28,000 nga dummy money, knapsack, duha ka cellphone, ID nga nakapangalan kay Edwin Tupaz kag isa ka motorsiklo.
