PILAR, CAPIZ – Boluntaryo nga ginsungka sang isa ka pulis sa mga kapulisan ang isa ka .45 caliber pistol nga armas luthang sa banwa sang Pilar, Capiz.
Ang nasambit nga armas luthang ginsungka ni Police Senior Master Sergeant Roberto Bengan 40-anyos sang Barangay San Nicolas, Pilar, Capiz.
Sa pihak nga bahin, ginsungka man ni Martin Borres, 21 anyos sang Barangay Malagab-i, Cuartero, Capiz ang isa ka unit sang .22 caliber pistol sa mga kapulisan sa banwa sang Cuartero.
Samtang, ginsungka naman sa mga kapulisan ni Barry Josel Fullona, 25 anyos sang Barangay Poblacion Tacas, Cuartero ang isa ka unit sang .38 caliber revolver nga armas luthang.
Bangud diri, yara na karon sa kustodiya sang FESAGS Section sang magkatuhay nga mga Municipal Police Station ang nasambit nga mga amras luthang para sa nagakaigo nga disposisyon.
Kadungan ini sang hugot nga kampanya sang mga kapulisan sa “Tokhang kontra sa armas luthang”.
