Wala na nakapanginlaman pa ang 2 ka pamilya nga tag-iya sang balay nga ginpademolish bangud luyag sang tag-iya sang duta nga maghalin na sila.
Sa interview sang Bombo Radyo kay Warlito Bartocillo tag-iya sang ginpaguba nga balay sa may bahin sang Barangay V, sining syudad ginpahayag sini nga halos 50 ka tuig na suno sila nga naga-istar sa amo nga balay nga nakatukod sa amo nga duta apang hinali lang ini sila nga ginpahalin.
Pahayag pa sang ginapahayag tag-iya nga bisan pa luyag sini ukon indi nga wala sila mahimo bangud ila ini duta apang suno kay Bartocillo ginapangitaan suno nila ini sang titulo sang duta nga nagapamatuod nga sila ang nagapanag-iya sini apang tubtob subong wala sang titulo nga ginpresentar sa ila.
Nag-abiso naman suno ang tag-iya nga gub-on ang balay pila ka adlaw bag-o nahitabo ang pagpangguba apang wala nila ginalauman ang panghitabo nga naghalin sila sa ila balay pag-abot nila wala na sila balay kag nagkaladula na ang ila mga gamit sa ila balay.
Samtang nag-offer naman suno ini sila sang angay istaran nila tatay Bartcillo apang indi man pwedi ma-istaran kun indi ikaw ang nagapanag-iya.
Gani naghimo na lamang si tatay Bartocillo sang gamay nga payag-payag nga angay nila mapasilungan sang iya asawa.
