2 ka driver sang motorsiklo pilason matapos magbunggu-anay sa Brgy. Cogon banwa sang Panitan

ROXAS CITY – Pilason ang duwa ka driver sang motorsiklo kag lunsay ginpadangat sa ospital matapos nagbunggu-anay sa Brgy. Cogon banwa sang Panitan.

Ginkilala ang biktima nga si Dandy Lipura, 60-anyos residente sang nasambit nga barangay.

Samtang, ginkilala ang suspek kay Bjay Ogbac, 26-anyos kag residente sang Sitio Buta, Brgy. Jolongajog, Pontevedra Capiz.

Sandig sa imbistigasyon sang Panitan PNP, nga nagliko sa wala nga bahin sang karsada si Lipura kag ini ang wala nadiparahan ni Ogbac, rason nga bumunggo ini sa motorsiklo nga ginamaneho sang biktima.

Sa karun, yara na sa kustodiya sang Pontevedra PNP ang duwa ka motosiklo nga nalakip sa nasambit nga insidente.