ROXAS CITY – Dakup ang duha ka mga drug personalities sa ginpatigayon nga drug buy bust operation sang gintingub nga pwersa sang Philippine Drug Enforcement Agency (PDEA-Capiz) kag Station Drug Enforcement Team (SDET) sa Aguinaldo St., Barangay 1, Roxas City.
Nakahunong na karon sa karsel sang Roxas City PNP sanday Benedict Cleofas 48-anyos sang Barangay 1, Roxas City kag Rommel Aldea 35-anyos sang Barangay Tiza, Roxas City.
Ginpahayag ni Police Master Sergeant Ramil Arcangeles, Information Officer sang Roxas City PNP nga na-preso na sadto si Cleofas sa kaso nga paglapas sa RA 9165 ukon Comprehensive Dangerous Drugs Act of 2002.
Nagaguwa sa monitoring sang kapulisan nga nagbag-o na si Cleofas apang ila ginkakibot nga hinali naman ini nagbalik sa iligal nga buluhaton.
Narecover sang kapulisan ang tatlo ka sachet sang ginapatihan shabu, P1,000 nga buy bust money, drug paraphernalias kag duha ka cellphones.
