ROXAS CITY – Dakop ang isa ka drug personality sa ginpatigayon nga drug buybust operation sa Barangay Dulangan, Pilar kahapon.
Ginpangunahan ang operasyon sang Provincial Drug Enforcement Unit (PDEU) sang Capiz Police Provincial Office.
Ginkilala ang suspect nga si Joemari Baltar 26-anyos sang Barangay Carmencita, President Roxas, Capiz.
Ginpahayag ni Police Lieutenant Mark Anthony Garcia, team leader sang PDEU nga madugay na nga ginpaidalum sa monitoring si Baltar, antes ginpatigayon ang operasyon.
Narekober sa suspek ang 15 ka mga sachets sang ginapatihan shabu, P500 nga marked money, cellphone kag mga drug paraphernalia.
Samtang nakahunong na sa karsel sang Panit-an PNP ang anay Barangay Kagawad sang Barangay Timpas, Panit-an matapos nadakpan sa drug buybust operation sang gintinggub nga pwersa sang Panit-an PNP, Panay PNP kag Philippine Drug Enforcement Agency sa Barangay Intampilan, Panit-an.
Ginkilala ang dakpan nga si Cesar Dice, 49-anyos sang amo nga lugar.
Narekober sa posisyon sang arestado ang 10 ka sachets sang ginapatihan shabu, cellphone kag P500 nga marked money.
Natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002 ang duha mga drug suspect.
