ROXAS CITY – Ginpasakaan na sang panumbungon nga paglapas sa RA 9165 ukon Comprehensive Dangerous Drugs Act of 2002 sa Provincial Prosecutor’s Office ang duha ka mga drug personalities nga nadakpan sa separado nga drug buy bust operation sa banwa sang Pilar kag Panit-an.
Ginkilala ang mga drug suspek nga anay Barangay Kagawad Cesar Dice 49-anyos sang Barangay Intampilan, Panit-an kag ang tricycle driver nga si Joemari Baltar 26-anyos sang Barangay Carmencita, President Roxas, Capiz nga nadakpan sa Barangay Dulangan, Pilar.
Nahibaluan nga narekober sang mga kapulisan kay Dice ang 10 ka sachets sang shabu, cellphone kag P500 nga marked money.
Samtang nakuha naman kay Baltar ang 15 ka mga plastic sachets sang shabu, P500 nga marked money, cellphone kag drug paraphernalia.
Sa karon nagapabilin sa kostodiya sang pulisya ang duha ka mga drug suspek.
