2 ka empleyado sang isa ka water station nagpabalhag sa pulisya matapos nga ginaalegar ginsumbag sang duha ka mga suspek

ROXAS CITY – Nagpabalhag sa Roxas City Police Station ang duha ka empleyado sang isa ka water station matapos nga ginaalegar ginsumbag samtang nagakatulog sa Barangay Punta Tabuc, Roxas City.

Ginkilala ang mga tagreklamo nga sanday Gabriel Ocares 23-anyos kag Gary Jarce 20-anyos nga lunsay mga residente sang Barangay Amaga, Sigma, Capiz.

Sandig sa ginpabalhag sang mga tagreklamo nga nagakatulog ang mga ini sang hinali na lamang nga ginsumbag sang mga suspek nga sanday Alex Fontilar kag Robert Fontilar nga lunsay mga residente sang Barangay Poblacion, Dumalag, Capiz.

Bangud diri, nag-angkon naman sang pagpalanakit sa kalawasan ang mga tagreklamo rason nga ginpakamaayo na lamang sang mga ini nga iparekord sa pulisya ang natabo.