ROXAS CITY – Arestado ang duha ka persona nga ginakabig yara sa listahan sang street-level individual matapos ang ginkasa nga drug buy bust operation takna alas 11:28 kahapon Hulyo 29 sa Dulangan, Pilar Capiz.
Ginkilala ang mga nagkaladakpan nga sanday Sunny Bonsato 48-anyos kag residente sang nasambit nga lugar kag Mahalia Palangre, 40-anyos residente sang Brgy. Lawaan, Roxas City, Capiz.
Natigayon nga madkapan sanday Bonsato kag Palangre, pinaagi sa gintingub nga pwersa sang Capiz-PPDEU, Cluster SDET nga ginakabug-usan sang Pilar MPS, President Roxas MPS, kag Pontevedra MPS subong man ang Philippine Drug Enforecement Agency (PDEA) 6.
Pinaagi sa pagpakuno-kuno sang isa ka pulis bilang police poseur buyer, nakuha sa paghinakop sang mga nagkaladakpan ang 5 tanan ka sachet sang ginapatihan shabu kag may kabug-aton nga 15grams kag Standard Drug Price nga P102,000, P1,500 nga buy bust money, 1 ka coin purse, 1 sling bag nagaduag itom, 1 unit sang caliber .38 revolver kag tatlo ka bala.
Kaso nga paglapas sa Comprehensive Dangerous Drugs Act of 2002, ukon Republic Act No. 9165, ang atubangon sang mga arestado.
Sa karun, yara na sa paghinakop sang Pilar Municipal Police Station ang mga nagkaladakpan para sa nagakaigo nga disposisyon.
