Patay ang duha ka kabataan matapos ginluthang sa isa ka Catholic School sa Minneapolis.
Nagluntad ang insidente sa tion sang misa sa Annunciation Catholic School sang ginbalabagan sang suspetsado nga si Robin Westman ang duha ka pwertahan sang eskwelahan kag ginpaarakan sang luthang.
Naglab-ot sa 17 ka tawo nga kalabanan mga kabataan ang napilasan kag gindala sa ospital.
Naga-edad sang anum tubtub walo ka tuig ang mga napatay nga biktima.
Makaligad ang pila ka minutos, nakit-an sang mga otoridad ang suspek nga wala na sang kabuhi malapit sa eskwelahan.
Nagapati ang mga otoridad nga ginplano sang maayo sang suspek ang pagpangluthang kag gintun-an ang mga aktibidad sa nasambit nga eskwelahan.
Bangud sa insidente, ginmando ni US President Donald Trump nga ibutang sa half-staff ang bandera sang Amerika nga naka-display sa mga opisina sang gobyerno tubtob sa Domingo.
Samtang, nasubuan gid si Pope Leo XIV sang mabalitaan ang natabo.
Nagpalab-ot naman sang pagpakig-unong si Vatican Secretary of State Pietro Parolin sa mga himata sang biktima.
Ginpangamuyo man sini ang mga biktima subong man ang mga first responders kag church workers sa nasambit nga buluthuan.
