Dakop ang duha ka lalaki matapos ginserbihan sang warrant of arrest sa Brgy. Poblacion Proper, Mambusao Capiz.
Ginkilala ang mga nagkaladakpan nga sanday, alyas “Ian”, 32-anyos, isa ka engineer, residente sang Brgy. Mantiguib, Makato, Aklan, kag alyas “Mario”, 63-anyos, Chief Construction, residente sang Brgy. Cagay, Roxas City, Capiz.
Nagapangatubang sa kaso nga paglapas sa RA 3019 ukon Anti-Graft and Corrupt Practices Act ang mga akusado.
Ang warrant of arrest ang gin-isyu kag ginpermahan ni Hon. Judge Judith D. Orendain- Tonogbanua, Presiding Judge sang Regional Trial Court, Branch 20, Mambusao, Capiz.
Ginrekomendar naman sang korte ang P90,000 nga piyansa para sa temporaryo sini nga kahilwayan.
Sa karon, yara na ang mga ini sa kostudiya sang Mambusao MPS para sa nagakaigo nga disposisyon.
