-- ADVERTISEMENT --
ROXAS CITY – Pilason nga ginpadangat sa ospital ang duha ka mga lalaki nga naglab-anay sa Barangay Yatingan sa banwa sang Pontevedra, Capiz.
Ginkilala ang biktima nga si Antonio Batuigas 51-anyos nga nag-angkon sang pilas sa ulo matapos ginlabo sang sanduko sang suspek nga si Ronald Bullos 21-anyos nga nagsuprer man sang pilas sa nawala nga bahin sang abaga kag tiyan matapos malab-an sang biktima.
Sa pagpakig-angut sang Bombo Radyo kay PO2 Rolando Trinidad sang Pontevedra PNP, ginpahayag sini nga nagaguwa sa imbestigasyon nga nagpadulong ang suspek sa balay sang biktima para maki-inum sang tubig.
Sa wala ginalauman hinali nga ginlabo sang suspek ang biktima kag sang nakakita man sang tsansa ang biktima, ginlabo man sini ang suspek.
