2 ka mangingisda dakop sa akto nga nagapatigayon sang iligal nga pagpangisda sa banwa sang Pilar, Capiz

ROXAS CITY – Nagapabilin sa kustodiya sang Bantay Dagat sa banwa sang Pilar, Capiz ang duha ka mga sakayan matapos nga nadakpan nga nagapatigayon sang iligal nga pagpangisda sa baybayon sang Pilar, Capiz.

Kalakip sa mga nadakpan amo sanday Greggy Tenorio 38-anyos kag Jason Abayon 29-anyos nga lunsay mga residente sang Carles, Iloilo.

Narekober naman sa posisyon sang mga arestado ang mga fishing paraphernalia’s nga ginamit sang mga ini sa pagpatigayon sang iligal nga pagpangisda.