2 ka menor de edad nga ginapahayag nagkaon sang tahong sa banwa sang Pilar, ginpadangat sa ospital

ROXAS CITY – Ginpadangat sa Bailan District Hospital, ang duha ka mga menor de edad  matapos ginapahayag nga nagkaon sang greenshell ukon tahong sa Barangay San Ramon, Pilar, Capiz.

Sa interview sang Bombo Radyo kay Mr. Ronald Roa Fishery Coordinator sang banwa sang Pilar, ginpahayag sini nga ang nasambit nga mga indibidwal ang nagapang-edaron sang 12-anyos nga lalaki kag 16-anyos nga babaye.

Suno kay Roa, ba-se sa iya pagpamangkot sa pamilya naka-eksperyensya sang pagpalanuka ang mga ini matapos ginaalegar nagkaon sang tahong subong nga aga.

Sa karun, ginahulat pa nila ang resulta nagikan sa doctor agud mahibaluan kung bala positibo ang mga ini sa red tide ukon indi.