ROXAS CITY – Nagpabalhag ang duha ka mga persona matapos nga ginaalegar natuntohan sa ila nga pagpakigtransaksyon sa pagbakal sang cellphone.
Ginkilala ang mga tagreklamo nga sanday Ivonmae Andrade sang Barangay Baybay sining siyudad kag Glory Ann Carpio sang Barangay Timpas, Panitan, Capiz.
Sandig sa ginpabalhag sang mga tagreklamo nga ginaalegar nagpadala sila sang P6,000 kay Mark Ian Azares sang Barang Banica sining siyudad agud ibayad sa ginbakal nga cellphone para sa online class.
Apang, tuman na lamang ang pagdismaya sang mga tagreklamo matapos nga wala man nag-abot ang gintug-an nga cellphone.
Magluwas diri, indi naman ma contact ang cellphone number sang nasambitan nga suspek.
Ginpakamaayo na lamang sang mga tagreklamo nga ipabalhag sa pulisya ang natabo.
