ROXAS CITY – Nagpa-blotter sa pulisya ang isa ka 47-anyos nga lalaki matapos nga ginaalegar ginsumbag sa Barangay Tiza, Roxas City.
Ginkilala ang tagreklamo kay Renato Dadivas sang nasambit man nga lugar.
Suno kay Dadivas nga samtang nagalakat ini sa dalan ginaalegar nga ginsinggitan ini sang suspek nga si JR Bulana kag tuyo pa kuntani nga sukahan.
Bangud diri, nagbalik ang tagreklamo sa ila opisina apang ginaalegar nga nag-iskandalo pa ini.
Kasunod sini, ginpakamaayo na lamang sang tagreklamo nga iparekord sa pulisya ang insidente.
Samtang, nagpabalhag man sa pulisya ang 33-anyos nga si Bulana sa diin ginareklamo man sini si Dadivas.
Ginaalegar naman ni Bulana nga samtang yara ini sa opisina, ginapahayag nga ginhambalan sang mga malain nga tinaga ni Dadivas ang iya sini live-in partner rason nga ginpalapitan niya kag ginkomprontar.
Apang, wala sini ginalaoman nga hinali na lamang ini nga ginhampak sang suspek sang kawayan ang iya ulo kag ginbuno sang ice pick rason nga ginpakamaayo na lamang sini nga ipabulong sa Roxas Memorial Provincial Hospital ang mga naangkon nga pilas matapos ang insidente.
