PONTEVEDRA, CAPIZ – Nakahunong na sa karsel sang Pontevedra Municipal Police Station ang duha ka mga persona nga ginatudlo responsable sa pagpahamtang sang live wire nga gingamit matapos nagpangisda sa isa ka sapa sa Barangay Binuntucan, Pontevedra nga gintunaan sang kamatayon sang siyam ka tuig nga bata.
Nakilala ang biktima kay alyas Albert, sang nasambit nga lugar.
Suno kay Police Staff Sergeant Rhea Batuigas, imbestigador sang Pontevedra PNP nga nagpangisda ang ginabasol nga mga persona nga sanday Donnie Domo-os, 45 anyos kag Ruperto Canarejo, 45 anyos lunsay residente sang nasambit nga lugar.
Gindugang pa ni Batuigas nga ang live wire nga gingamit sang mga suspek ang may yara sang leaked rason nga pag-abot sang biktima gikan sa eskwelahan, posible nagdiritso ini sa suba kag naglusong apang nakuryente ini nga gintunaan sang iya kamatayon.
Madasig man nga gindala sa Bailan District Hospital ang ang solterito apang gindeklarar ini nga dead on arrival.
