ROXAS CITY – Lunsay nag-angkon sang samad ang duha ka mga kalalakinhan matapos nga nagbun-anay sa Barangay Yatingan, Pontevedra, Capiz.
Nagaguwa sa imbestigasyon sang kapulisan nga nagkadto ang biktima nga si Dave Dichosa sa kaingud balay kag ginpangita ang iya nga pakaisa.
Natabuan nga naga-inum ang suspek nga si Norwel Diestro kaupod ang iban pa nga mga kalalakinhan kag kasubong nga ginsita sini ang nagapamangkot nga si Dichosa.
Bangud yara na sa impluwensiya sang makahulubog nga ilimnon ang suspek, hinali sini nga ginbuno si Dichosa nga naigo sa kilid.
Apang lipod sa ihibalo sang suspek nga may dala man nga kutsilyo ang biktima nga gilayon nagbalos buno kay Diestro nga ginkapilas man sang naulihi.
Gilayon nga ginpadangat sa ospital ang duha agud madapatan sang pagbulong ang ila naangkon nga samad.
