2 ka mga miyembro sang NPA nagsungka kag nagbalik na sa sabak sang gobyerno

ROXAS CITY – Nagsungka na sa sabak sang gobyerno ang duha ka mga miyembro sang New People’s Army ukon NPA.

Ini ang ginpahayag ni Major Cenon Pancito III, tagpamaba sang 3^rd Infantry Division sang Philippine Army sang mainterview sang Bombo Radyo.

Suno kay Pancito nga ginkilala ang mga nagsungka nga sanday Ka JL kag Ka Alexa nga lunsay mga residente sang banwa sang Tapaz.

Ginpahayag ni Pancito nga pormal na nagsungka ang mga ini sa sabak sang gobyerno matapos gintugyan sang 12^th Infantry Battalion (12IB).

Nagsungka ang mga ini sa mga opisyales sang Barangay Janiuay, Iloilo matapos nga naka-engkwentro sang mga rebelde nga grupo ang militar sadtong Agosto.

Dugang pa sini nga natigayon nga magsungka ang duha samtang nagapatigayon ang ila mga kaupdanan sang kalakasan batuk sa mga militar kun sa diin makaduwa ka beses naman sila nagtuyo nga makapalagyo.

Mahibaluan nga lunsay mga estudyante ang mga ini sang Tapaz kag nakaupod naman sa mga engkwentro sang mga rebelde kag militar.

Samtang, nagpasalig naman si Mayor Roberto Nonong Palomar sa duha sang mga benepisyo nga sarang mabaton nila gikan sa gobyerno kalakip na ang scholarship.

Mahibaluan nga nagpatigayon sila sang programa kaupod ang mga katapo sang Capiz PPO, Parish Pastoral Council sang Tapaz, Barangay Officials  kag mga opisyal sang   301st   Infantry   Brigade   kag  12th Infantry Battalion.

Sa karon, nagapabilin anay ang duha sa kustodiya sang 12 IB para man sa ila seguridad.