2 ka mga persona arestado matapos nga nagtuga sang kinagamo sa Brgy. 8, Roxas City

ROXAS CITY – Dakop ang duha ka mga persona matapos nga ginaalegar nagatuga sang kinagamo sa Barangay 8, Roxas City.

Ginkilala ang mga nadakpan nga sanday Romeo Balbona 19-anyos sang Barangay Culasi kag Rodolfo Villamor 26-anyos sang Barangay 8 sining siyudad.

Base sa inisyal nga imbestigasyon sang Roxas City PNP nga nakabaton na lamang sila sang impormasyon nga may yara sang kinagamo nga nagaluntad sa nasambit nga lugar kun sa diin gilayon naman nila ini nga ginrespondehan.

Nahibaluan nga naabtan mismo nila ang natabo kun sa diin ginpakamaayo na lamang sang mga pulis nga dal-on ang nasambit nga mga persona sa pulisya para sa nagakaigo nga disposisyon.