2 ka mga persona dakop sa akto nga nagapatigayon sang iligal nga pagpangisda, sa banwa sang Panay

ROXAS CITY – Dakop sa akto ang duha ka mga persona, matapos nga nagapatigayon sang iligal nga pagpangisda sa kalalawran nga sakop sang banwa sang Panay alas 4:25 kahapon Hulyo 10.

Ginkilala ang mga nadakpan nga sanday John Paul Catalan, Boat Captain 36-anyos kag crew sini nga si Manuel Bistano 42-anyos lunsay residente sang Barangay Casanayan, Pilar Capiz.

Ginlapas nanday Catalan kag Bistano ang Municipal ordinance No. 03-02 series of 2003.

Nakuha sa ila paghinakop ang 1 unit sa pumpboat, 1 ka unit sang TRIO Diesel engine, lambat kag mas o menus 10kl sang nagkalain-lain nga isda.

Sa karun yara na sa kustodiya sang MENRO-Panay ang mga nagkaladakpan subong man ang mga nakumpiskar para sa nagakaigo nga disposisyon.