ROXAS CITY-Arestado ang duha ka mga persona kalakip na ang menor de edad matapos nga ginaalegar nagpalupok sang armas-luthang sa Barangay Carataya, Cuartero, Capiz.
Ginkilala ang mga naaresto nga sanday Fritz Danuya sang Barangay Mahunod-hunod sang nasambit nga banwa kag 17-anyos nga lalaki nga residente sang Barangay Astorga, Dumarao Capiz.
Sandig sa pagpakig-angut sang Bombo Radyo kay Barangay Kagawad Bebiano Cocjin ginpahayag sini nga nakabati sila sang lupok samtang nagapatrolya sa lugar.
Gilayon naman nila nga nadakpak ang duha ka mga suspetsado nga namutikan nga yara sa idalom sang impluwensya sang makahulubog nga ilimnon.
Narekober naman sa mga arestado ang isa ka unit sang kalibre .45 nga armas-luthang.
Sa karon nakahunong na sa karsel ang mga suspek para sa nagakaigo nga disposisyon.
