ROXAS CITY – Nagpabalhag sang reklamo sa Roxas City PNP ang isa ka Crane Operator matapos nga ginaalegar nagpalupok sang armas luthang ang duha ka mga persona sa Barangay Sibaguan, Roxas City.
Suno sa tagreklamo nga si JR Velasco, 30 anyos sang nasambit nga lugar nga naggikan ini sa ospital sang naabtan niya nga yara sa ila ugsaran sang balay ang duha ka mga ginareklamo sini nga sanday Alyas “Jebjeb” kag Joland Divinagracia alyas “Pakwoy” lunsay mga residente sang nasambit nga lugar.
Suno kay Velasco nga nagpamangkot lamang ini sa duha ka mga ginareklamo kun ngaa nakasulod ang duha sa ila balay nga wala naglisensiya sa iya.
Diri kag nagsabat man ang duha ka mga ginareklamo nga nagapangita lamang sila sang manok.
Apang sang nagguwa na ang duha ka mga ginareklamo hinali na lamang nga nagbunot sang armas luthang si alyas “Jebjeb” kag nagpalupok sang makaisa ka beses.
Bangud diri, ginpakamaayo na lamang sang tagreklamo nga iparecord sa pulisya ang insidente.
