ROXAS CITY – Lunsay nga nag-angkon sang pilas sa lawas ang duha ka mga persona matapos ang nagluntad nga paglab-anay sa Barangay San Rafael, Dumalag, Capiz.
Ang duha ka nasambit nga persona amo sanday Sulpicio Gitano kag Panfelo Mendoza sang nasambit nga lugar.
Base sa inisyal nga imbestigasyon sang Dumalag Municipal Police Station nga may yara sang nagluntad nga kinagamo sa tunga sang nasambitan nga mga persona rason nga naglab-ot sa paglab-anay.
Nahibaluan nga lunsay yara sa idalom sang impluwensya sang makahulubog nga ilimnon ang duha sang natabo ang insidente.
Bangud diri, gilayon nga gindala sa magkatuhay nga ospial sanday Mendoza kag Gitano agud dapatan sang nagakaigo nga pagbulong ang mga naangkon nga pilas sa lawas.
Padayon naman ang imbestigasyon sang mga kapulisan sa nagluntad nga insidente.
