2 ka mga suspek nga nadakpan sa akto nga nagpangawat sang seedlings, nakahunong na sa karsel sang Roxas City PNP

ROXAS CITY – Nagapabilin sa karsel sang Roxas City Police Station ang duha ka mga suspek matapos nga nadakpan sa akto nga nagpangawat sang seedlings sa Barangay Lanot, Roxas City.

Ginkilala ang mga suspek nga sanday Reynante Albor 32-anyos sang Barangay Duyok kag Ferdinand Jujao 30-anyos sang Barangay Lakaron sang nasambit nga banwa.

Base sa inisyal nga imbestigasyon sang Roxas City PNP nga naaktuhan mismo ni Merelie Pequierda sa garahe ang duha ka mga suspek nga may yara na sang dala nga duha ka sako sang seedlings.

Bangud diri, ginpakamaayo na lamang nila nga dal-on sa pulisya ang duha ka nasambit nga persona para sa nagakaigo nga disposisyon.